د ایران او ملایشیا ترمینځ علمي، دیني او کلتوري اړیکو پیاوړتیا د ورځې ضرورت دی
یکنانیوز راپور راکوي، د ایران د کلتوري خونې د سلایار ، حبیب رضا ارزاني په وینا، دا درې ورځنی سفر د کوالالمپور د دیني مشرانو دویمې نړیوالې غونډې لپاره ترسره شو.
ارزاني وویل: د سفر په لومړۍ ورځ، آیت الله اعرافي د ملایشیائي او ایرانيو پوهانو او اوسیدونکو په مینځ کې وینا وکړه او په اوسمهاله نړۍ کې ئې د اسلام درې لیدلوري (ارتجاعي اسلام، لیبرال اسلام او د قرآن، سنت، عقل او اجتهاد پر بنسټ اصیل اسلام) تشریح کړل. نوموړي زیاته کړه چې د ایران د اسلامي جمهوریت نظام د همدې اصیل اسلام پر بنسټ جوړ شوی او د امام خمیني (ره) اسلام د بشري اړتیاوو د پوره کولو وړتیا لري.
هغه د اسلامي نړۍ د یووالي هویت د اسلامي نړۍ تر ټولو مهمې لیدتوګې په توګه یاد کړ او د غزې د مظلومو خلکو د دوامداره کړاوونو په اړه ئې وویل چې په ملایشیا کې پوهان او دیني شخصیتونه د غزې د ستونزو د حل لپاره راټول شوي، څو د اسلامي نړۍ د یووالي لامل شي.
د ملایشیا د دیني مرکز (ماپیم)مشر استاد چیګو عزمي هم د مسلمانانو د ستونزو د حل لپاره د دیني مشرانو پر ګډې ملګرتیا ټینګار وکړ. په دې غونډه کې د استاد شهید مرتضي مطهري د «د ژوند هدف» نومې کتاب په ملایشیایي ژبې ژباړې د ایران د کلتوري رایزنۍ او IBDE خپرندویه ټولنې په ملګرتیا سره مخ کتنه وشوه.
په دویمه ورځ، آیت الله اعرافي او مل پلاوي د ملایشیا د لومړي وزیر په بلنه د دیني مشرانو په دویم نړیوال کنفرانس کې ګډون وکړ، چې په دې غونډې کې د ۵۴ هیوادونو له ۱۰۰۰ څخه زیاتو دیني شخصیتونو ګډون درلود. دا کنفرانس د قرآن کریم د ۶۵ دورې د سیالۍ د ګټونکي محمد رضوان په تلاوت سره پیل شو او په کې د اسلامي نړۍ پر مهمو موضوعاتو، د غزې او فلسطین د مظلومانو پر ملاتړ، د دیني او علمي ملګرتیاؤ او د دینونو د رول پر حل منازعاتو او سوله ییز ژوند بحثونه وشول.
آیت الله اعرافي او آیت الله مبلغي د «غزې او د نړۍ د شخړو حل» په اړه د دوو تخصصي غونډو مشري وکړه او د دیني مشرانو پر رول ئې ټینګار وکړ.
د سفر په ترڅ کې، ایراني پلاوي د ملایشیا د دیني چارو له وزیر محمد نعیم مختار سره وکتل او د تعلیمي او دیني همکاریو او د پلاوو د تبادلې په اړه ئې خبرې وکړې. د ملایشیا ددیني چارو وزیر د قرآني ملګرتیاؤ د پراختیا هرکلی وکړ.
همدارنګه، د ملایشیا له لومړي وزیر انور ابراهیم سره لیدنه وشوه، چې هغه د دینونو د مشرانو ترمنځ د سولې او همدلۍ پر اهمیت ټینګار وکړ.ایراني پلاوي د کوالالمپور له مفتي سره هم وکتل او د دیني، تعلیمي او کلتوري ملګرتیاؤ په اړه ئې بحثونه وکړل.
د سعودي عربستان د اسلامي نړۍ د اتحادیې مشر عبدالکریم العیسي سره هم لیدنه وشوه. د سفر نورو برخو کې د نورو نړیوالو شخصیتونو، ملایشیایي چارواکو او علمي مرکزونو لکه ایستک د لیدنو او د ایرانيو اوسیدونکو او پوهانو سره لیدنې شاملې وې.
https://iqna.ir/fa/news/4302336
